PORA VENESSIA, IN MAN AI BARBARI DE ANQUO' (e de ieri)

De Gianpaolo Borsetto

Antonio Lamberti, el poeta de "la Biondina in gondoeta", se lamentava che in manco de diexe ani dopo la “così detta caduta” de la Repubblica di San Marco, sirca  na otantena de palassi xe stai distruti da la furia francese. 

Xe sparie in pochi lustri gloriose famege patrisie che gaveva ilustrà la Repubblica, insieme co un terso de la popolasion. 

L'Austria nel 1849 ga butà miere de bombe su la città e la so ocupasione xe riusia a stuar quasi del tutto l'anima venesiana. Queo po' che no gaveva fato i barbari franco-austriaci con el concorso dei traditori colaborasionisti, ga fato i nuovi regitori del Comune dopo el 1866  interando canai e laguna, verxendo strade butando, xo case, costruendo  ponti  sul sul Canalasso e costruendo pontii per i vaporini.