£A NOSTRA LENGUA : E £A STORIA DEL GABAN

Ancò go voja de scrivar in "venezian" overo in veneto, sicuri che me lezarì £o stesso. Ve parlo del termine "GABAN" che no se dopara più da quanche diezena de ani, ma se lo doparavo come me nona e me mama, done padovane, le svea ben cossa vo£evo dire: el jera el "cappotto",
Sto termini lo go trovà anca co go scumissià a studiar le uniformi venete del '700. El gera doparà par el capoto che i fanti meteva co i montava de guardia. mancava na descrizion precisa de la forma, ma gera scrito che el gera conposto de "Tela di Salonicch(i)o", tessuto grezzo probabilmente tratà co grassi par renderlo inpermeabile. Infati i soldà lo doparava co i montava de guardia.

Me ze vegnudo anca in mente che i pescatori ciosoti doparava fin ai primi del '900 un "gaban" de tela, molto robusto e de fatura greza. adato al mare e a riparse da vento e acua.
Go trovà de le foto dei pescadori.. e go visto che sto capoto el gera el stesso che cuerzeva un "galeotto" condannà al remo, ritrato da Cesare Vecellio,, quindi gavemo na continuità de abito che va almanco dal XV-I secolo fin ai primi del '900.
Quelo gera senzaltro anca "LA SOPRAVESTE" dei fanti veneti, co i montava de guardia. La ricerca storica, anca dei detagli, a volte la dà picole grandi sodisfazion. :)
Riporto quel che gavevo scrito sul galeoto de Cesare Vecellio: questo abito viene presentato in una stampa del 1590 da Cesare Vecellio, ad illustrare la figura di un galeotto. Era probabilmente una veste antichissima, che si è conservata inalterata forse dal Medio Evo fino ai primi del 900, come dimostra la foto. spiace non avere l'immagine in risoluzione più grande, ma corrisponde tutto anche le due asole con aggancio per tenerlo chiuso. straordinario....