FILASTROCHE VENESSIANE: DONA MARIA IN FRANZA




Dona Maria in Franza...
impresteme el sc.iopetin...
finamente che vado in Francia a copar sto osein...
che tutta ea notte canta, no posso mai dormir...
el canta da gaeo, risponde ea gaina....
ea nona Giuseppina, sentada sul balcon...
indove xe sto balcon?...
el fogo lo ga brusa'...
indove xe sto fogo?...
l'acqua ga destua'...
indove xe sta acqua?...
el bove la ga sorbia...
indove xe sto bove?....
in campo S.Polo, i ghe tagia ea testa e el coeo...
col sc.iopetin dei omeni...
che magna pan e fava...
ea fava gera cota...
i la ga messa dadrio ea porta....
ea porta gera piena de acqua...
ande' a ciamar ea nona Cornacchia...
ea nona Cornacchia no pol venir...
ghe xe nato un bel bambin...
ea va su per e montagne...
ea xe che ea serca e castagne...
e castagne xe de oro...
ande a ciamar el Barbadoro...
Barbadoro s'ha fatto ea barba...
merda in bocca a chi me varda.


Commenti